شحن
آخر قطعتين بقالهم أسبوع
الصورة متصورة بإضاءة أحسن من مستقبل المنتج نفسه.
خوازيق بتتشحن
3,499 جنيهخصم 89%399 جنيه
اطلب قبل ما تفكر
ساعة ذكية جدًا على الورق
ساعة Ultra Pro Max 9
الرقم كبير ومطمّن، ودي تقريبًا كل المعلومات اللي محتاجينك تعرفها عنه.
كتبنالك 3,499 فوق عشان تحس إنك وفرت 3,100 جنيه… مش عشان الساعة كانت بالسعر ده قبل كده.
فاضل قطعتين بس
متقلقش، هما آخر قطعتين من الأسبوع اللي فات برضه.
لو الوقت خلص اعمل Refresh، هنبدألك عرض جديد عشان متزعلش.
لو قررت تدفع، يبقى هتكملها دعم للمشروع مش شراء للمنتج.
تفاصيل مش هتعرفها إلا بعد ما تقرر
ساعة تليق بذوقك… أو على الأقل بالإعلان
شاشة كبيرة، مكالمات، إشعارات، رياضة، قياس نبض، وخواص تانية كتير مكتوبة بخط صغير على العلبة عشان غالبًا محدش هيراجعها.
والأهم:
شكلها قريب جدًا من الساعة اللي في الصورة… خصوصًا لو ما ركزتش قوي.
- شاشة ملونة وواضحة جدًا، خصوصًا وهي مطفية.
- تستقبل المكالمات، لو الساعة في مود مناسب.
- تقيس ضربات القلب، والنتيجة على مسؤولية قلبك.
- تحسب خطواتك، حتى لو إنت واقف وهي بتتهز.
- بطارية تستمر طوال اليوم… لو استخدمتها بحكمة شديدة جدًا.
- مقاومة للمياه… بس ياريت منجربش.
- متوافقة مع أندرويد وآيفون وبعض أنواع التفاؤل.
ضمان
ضمان شامل
من لحظة استلامك الساعة لحد ما المندوب يقفل باب العربية.بعد كده المنتج يدخل مرحلة الاعتماد على النفس.47 شخص بيتفرجوا على المنتج دلوقتي
إحنا مش عارفين مين هما، بس الرقم بيخليك تستعجل شوية وده المطلوب.تم بيع 1,286 قطعة اليوم
لو الرقم كبير فده معناه إن المنتج ناجح… أو إننا بنعرف نكتب أرقام.آراء ناس قررت تثق في الإعلان
تقييمات بتطمنك… على قد ما تقدر
لسه مستلمتهاش، بس الإعلان محترم جدًا.
طلبت واحدة ووصلتني حاجة فيها شاشة، فالحمد لله.
الساعة مختلفة عن الصورة ومحدش بيرد.